يمكن تفتكر ان المخ هو اهم عضو فى جسمك وهو اللى يستحق انه ياخد معظم الدم و الغذاء ومحدش يقدر ينكر ده...
بس لما تبص على القلب وازاى بيضخ الدم لكل جسمك وكل عضو ليه نسبه معينه
وتتفاجا ان الكبد والكليه بياخدوا كميه دم فى الدقيقه اكتر من المخ هتسأل نفسك سؤال ..
ليه ؟؟
من الاخر كده ازاى ؟
اشمعنا يعنى ؟
ده الانسان يقدر يعيش بربع الكليتين (نص كليه ) شغاله وميجيلهوش فشل كلوى قوم القلب يدى حوالى نص الدم للكبد والكليه وميديش المخ غير 15% بس طب ازاى ؟!
تقوم تعرف حاجه واحده..
الفكره مش فى الاهميه لكن فى الاحتياج
بمعنى ان الجسم محتاج انه يتخلص من كم سموم هائل نتيجه الهضم الغذائى Metabolism وعلشان كده لازم ربع الدم اللى بيضخه الفلب (حوالى 1.1 ليتر فى الدقيقه ) يروح كله للكليه علشان تنضفه من السموم وكذلك الكبد ايضا
فى حين ان مخك مش محتاج غير ال 15% بس من الدم اللى بيضخه القلب علشان خاطر يبقى شغال ذى الفل
وده بالتاكيد مش بيقلل ابدا من قيمه المخ بس فعلا هو ده احتياجه
لا و الاجمل كمان لما انت تعمل اى مجهود بدنى بتقل النسب دى لاقل حاجه ذى ما هو واضح كده فى الصوره قدامك ومعظم الدم بيروح للعضلات علشان تقدر تعمل المجهود البدنى المطلوب وبتروح كمان للجلد لانه وقتها بيكون هو عضو الاخراج وكمان لتنظيم درجه حراره جسمك اثناء المجهودان اهتمامنا بالناس ورعايتهم وافتقادهم يكون حسب الاحتياج مش اننا نرضى انفسنا ونطلب من الناس اهتمام ورعايه فى حين ان فى غيرنا محتاجين قوى الرعايه دى .. زى ما معلمنا بولس قال " فَيَجِبُ عَلَيْنَا نَحْنُ الأَقْوِيَاءَ أَنْ نَحْتَمِلَ أَضْعَافَ الضُّعَفَاءِ، وَلاَ نُرْضِيَ أَنْفُسَنَا." فى (رو1:15) الهدف ان جسد المسيح (الكنيسه) يكون نشيط جدا بتكامل اعضاءه مع بعض مش ان كل عضو يهتم انه ينال النصيب الاكبر (الدم الكتير فى مثالنا ) وزى بردوا ما بولس قال "25 لِكَيْ لاَ يَكُونَ انْشِقَاقٌ فِي الْجَسَدِ، بَلْ تَهْتَمُّ الأَعْضَاءُ اهْتِمَامًا وَاحِدًا بَعْضُهَا لِبَعْضٍ. 26 فَإِنْ كَانَ عُضْوٌ وَاحِدٌ يَتَأَلَّمُ، فَجَمِيعُ الأَعْضَاءِ تَتَأَلَّمُ مَعَهُ. وَإِنْ كَانَ عُضْوٌ وَاحِدٌ يُكَرَّمُ، فَجَمِيعُ الأَعْضَاءِ تَفْرَحُ مَعَهُ. 27 وَأَمَّا أَنْتُمْ فَجَسَدُ الْمَسِيحِ، وَأَعْضَاؤُهُ أَفْرَادًا. " (1كو 25:12-27)
يعنى مش بالاهميه الدم بيروح للاعضاء ولكن حسب الاحتياج لتقديم افضل وظيفه للجسم ككل مش عضو لوحده
معلومات اكتر هتلاقيها هنا :
