ما بين الاهميه والاحتياج

يمكن تفتكر ان المخ هو اهم عضو فى جسمك وهو اللى يستحق انه ياخد معظم الدم و الغذاء ومحدش يقدر ينكر ده...
بس لما تبص على القلب وازاى بيضخ الدم لكل جسمك وكل عضو ليه نسبه معينه
وتتفاجا ان الكبد والكليه بياخدوا كميه دم فى الدقيقه اكتر من المخ هتسأل نفسك سؤال ..
ليه ؟؟
من الاخر كده ازاى ؟
اشمعنا يعنى ؟
ده الانسان يقدر يعيش بربع الكليتين (نص كليه ) شغاله وميجيلهوش فشل كلوى قوم القلب يدى حوالى نص الدم للكبد والكليه وميديش المخ غير 15% بس طب ازاى ؟!

قلب واحد لا يكفى

اصبحت الحياه مجرد خطوات بمشى عليها كل يوم ..
حبه صلاه على مذاكره على شغل او كليه وترجع البيت مهدود تريح حبه وتنام وتصحى علشان تكرر نفس المنوال !
طب تعرف ان اكتر ما يقتل جسدك ونفسك وروحك الثلاثه هو الدخول فى هذه الدائره المظلمه .. الروتين
يمكن تكون فاهم ان الروتين بيأثر على نفسيتك ويخليك حتى مش طايق انك تعمل اللى عليك من كتر ما انت زهقت منه ..
بس جسدك و روحك .. دول مالهوم ومال الروتين ؟!!

تعالا احكيلك يا سيدى ..
انت عارف ان جسمك ده عباره عن شعله من النشاط فيه خلايا بتشتغل وتصنع بروتينات وتهضم جلوكوز وتصنع مركبات طاقه ATP علشان جسمك يعرف يشتغل ويتحرك ..
و فيه الدم كمان نشيط جدا بيدور على جسمك كله بعد ما يتضخ من القلب علشان يدى كل خليه من خلاياك احتياجاتها من الغذاء و ياخد منها الفضلات علشان ينقلها للكبد او الكليه واللى بدورها بتطردها بره الجسم ..

بس تعرف ان جسمك فيه اكتر من قلب !

الكسل اختيار

ناس بتفتكرها طبيعه جواها ..
وناس تانيه يجى عليها وقت مش قادره تقوم ..
عليها واجبات كتير .. عارفه انه مش صح تنام كده ..
بس روح الكسل دخلت ..

لو كنت فاكر نفسك كسلان اعرف انه اختيارك انت انك تكون كده !

لانك فى الحقيقه نشيط جدا جدا بشكل .. بشكل اعجازى !

تعرف يا صاحبى ان قلبك بيدق فى الدقيقه الواحده من 60-90 دقه 

تعرف ان الدقه بتاخد 0.8 ثانيه 

طب تعرف بقى ان فى ال 0.8 ثانيه دى بتحصل 9 خطوات علشان القلب يضخ الدم  للشراين و الاورده تفضى فى القلب

خليك طحال على نفسك

وسط سرعه حياتنا وانشغالنا بهموم و احتياجات كتير فى يومنا...وسط لخبطه و لهوجه وعدم تركيز ...بتيجى لحظه صدق كده ...بقف فيها مع نفسى ! ..اكتشف ان فى حاجات كتير جوايا اتغيرت ..اكتشف انى بعدت عن هدفى فى الحياه..عن الخط اللى انا ماشى فيه..عادات كتير غريبه دخلت جوايا وانا مش واخد بالى منها....

من احد الاعضاء المميزه جدا فى جسمنا هو الطحال Spleen
ناس كتير متعرفش وظائف الطحال ايه فى جسمنا ؟
ايه هيحصل لو مفيش طحال ؟
انا اسمع ان الكبد مهم جدا و الكليه كمان .. بس الطحال .. ايه ده ؟

اللقاء الثانى

هو انا ليه مش بتعلم من اخطائى ؟
كل مره نفس الغلطه ؟ هى هى ؟
هو انا غبى فعلا و مبفهمش ... هفضل طول عمرى كده اكرر نفس الغلطه
شكلها كده كده مفيش منها فايده .. 

بص طيب معايا حبه كده وانت هتفهم حاجات كتير ..

انت عارف جهاز المناعه فى جسمنا بيشتغل ازاى ؟
تعالا كده اديك فكره بسيطه عنه
جهاز مناعتنا بيتكون من شقين اساسين كل واحد ليه وظائف غير التانى بس كل واحد فيهم بيكمل التانى وليه علاقه بيه ..
اسمهم Humoral و cell mediated
بص انا هتكلم فى حاجات بسيطه جدا جدا من جهاز المناعه ..

بص يا سيدى .. لما بيجى ميكروب يهاجم جسمنا لاول مره .. جسمنا بيلاقى حاجه كده مميزه لكل ميكروب اسمها antigens..
و طبعا لان جسمنا اول مره يشوف الميكروب ده فهو اول مره يشوف ال antigens دى
فبيبتدى يتعرف عليها عن طريق خلايا معينه اسمها virgin B cells ...
ولو تلاحظ معايا كلمه virgin يعنى عذراء لان الخلايا دى اول مره تتعرف على ال antigens الغريبه دى

طيب مهمه جهاز المناعه ايه ؟

القانون الاول !

تفتكر كده معايا ايه اول قانون الهى فى الخليقه ؟

تعال معايا لواحده من اعرق مكتبات الولايات المتحده وهى مكتبه الكونجرس الامريكى .. ففى وسط المكتبه العظيمه دى على الجدار الشرقى فى المنتصف متعلق لوحه بالمقوله دى :

        ,,ORDER IS HEAVEN'S FIRST LAW’’

معناه ان النظام هو القانون الالهى الاول !

 http://www.loc.gov/loc/walls/jeff2.html

كتير مننا فى مصر سمع عن مرض التليف الكبدى liver cirrhosis اللى متصاب بيه كتير من المصريين نتيجه البلهارسيا وفيرس بى و سى كمضاعفات للامراض دى

بس اللى كتير منكم ميعرفهوش هو ان المرض ده عجيب قوى قوى قوى

ازاى يعنى ؟

بص معايا الاول فى الصوره دى .. ده شكل الكبد السليم .. شايف فى الرسمه المبسطه دى ازاى خلايا الكبد مترتبه فى اماكنها  بنظام  معين وجميل قوى

وللاسف نتيجه امراض مزمنه كتيره خلايا الكبد بتموت بس هنا المفاجاه ..

كن انت الشعله !

كام مره فكرت انك محتاج تشجيع ؟
استنيت اصحابك يفتكروك ..
وقت ما بتكون مخنوق نفسك حد يسال عنك..  حد يشجعك .. حد يملا حياتك ..

تعالا معايا جوه .. جوه اوووى .. جوه كمان .. ايوه عند قلبك
قلبك ده واحد من عضلات قليله قوى فى جسمك فيها خاصيه مش موجوده فى معظم العضلات ...
بيسموها كده بلغه اهل الطب " The Pace maker potential "

عارف .. الخاصيه دى موجوده فى جزء صغير قوى من نسيج عضلات قلبك ..
يعنى حتى مش موجوده فى كل قلبك
بتكون موجوده فى الاذين الايمن و الجدار اللى بين البطينين بتوع القلب...
شايف ال SA Node  فى الرسمه دى هى اللى بتبتدى كل حاجه فى نشاط قلبك


طيب يعنى ايه بقى pace maker potential دى  ..وليه ربنا مييز جزء صغير قوى بالخاصيه دى عن باقى القلب كله؟!