كام مره فكرت انك محتاج تشجيع ؟
استنيت اصحابك يفتكروك ..
وقت ما بتكون مخنوق نفسك حد يسال عنك.. حد يشجعك .. حد يملا حياتك ..
تعالا معايا جوه .. جوه اوووى .. جوه كمان .. ايوه عند قلبك
قلبك ده واحد من عضلات قليله قوى فى جسمك فيها خاصيه مش موجوده فى معظم العضلات ...بيسموها كده بلغه اهل الطب " The Pace maker potential "
عارف .. الخاصيه دى موجوده فى جزء صغير قوى من نسيج عضلات قلبك ..
يعنى حتى مش موجوده فى كل قلبك
بتكون موجوده فى الاذين الايمن و الجدار اللى بين البطينين بتوع القلب...
شايف ال SA Node فى الرسمه دى هى اللى بتبتدى كل حاجه فى نشاط قلبك
طيب يعنى ايه بقى pace maker potential دى ..وليه ربنا مييز جزء صغير قوى بالخاصيه دى عن باقى القلب كله؟!
بص معنى الكلمه دى ان النسيج ده بيشغل نفسه بنفسه "the spontaneous depolarization"
يعنى مش محتاج اى اشاره عصبيه من المخ .. هو بيشتغل كده لوحده توماتيكى توماتيكى يعنى
تعرف حتى لما ناس مخهم بيموت بيفضل القلب يدق فتره حتى والجسم نفسه ميت لغايه لما مايلاقيش اكل فيقوم يبطل شغل
السبب فى الخاصيه دى هو وجود حاجه اسمها "funny current "
تقدر تقرا عن الموضوع ده كتير فى اللينك ده
http://www.cvphysiology.com/Arrhythmias/A004.htm
وبالرغم من ان الانسجه دى بتشتغل توماتيكى كده من غير ما حد يؤمرها الا ان فى حاجات بتتحكم فيها وفى نشاطها يعنى تزودها او تقللها لكن ملهاش دعوه خالص بالبدايه .. ذى ما قولنا توماتيكى
http://www.cvphysiology.com/Arrhythmias/A005.htm
طيب ركز كده معايا علشان دى الزتونه بتاعت الليله
اوع تعتمد على محفزات خارجيه علشان تنشطك وتشجعك وتخليك مبسوط وفرحان
اوع تخلى انسان فى الدنيا دى يكون هو مصدر الحاجات دى
وجوده جنبك يبسطك و بعده عنك يحبطك
بص لقلبك جوه واتعلم ...
خد تشجيعك الحقيقى واللى عمره ما بيختفى ابدا من ربنا
خد فرحك من ربنا ومن وعوده وكلامه المطمئن فى الكتاب المقدس
علم نفسك تكون شغال توماتيكى ذى قلبك :)
وقت ما تحس ال SA node بتاعتك نامت نشطها وصحيها بكتاب روحى او صلاه عميقه او تسبحه او ترتيله او عظه
ذى كده ما جسمك بينشط جامد ال SA Node فى اوقات الضغط العصبى علشان تشغل القلب اسرع واسرع علشان يلبى احتياجات الجسم من ده وغذاء ..
كن انت الشعله !
You can Find interesting video for the SA Node electricity here :
http://www.interactive-biology.com/2210/045-the-pacemaker-potential-of-the-sa-node-and-the-av-node/
