ناس بتفتكرها طبيعه جواها ..
وناس تانيه يجى عليها وقت مش قادره تقوم ..
عليها واجبات كتير .. عارفه انه مش صح تنام كده ..
بس روح الكسل دخلت ..
لو كنت فاكر نفسك كسلان اعرف انه اختيارك انت انك تكون كده !
لانك فى الحقيقه نشيط جدا جدا بشكل .. بشكل اعجازى !
.gif)
تعرف يا صاحبى ان قلبك بيدق فى الدقيقه الواحده من 60-90 دقه
تعرف ان الدقه بتاخد 0.8 ثانيه
طب تعرف بقى ان فى ال 0.8 ثانيه دى بتحصل 9 خطوات علشان القلب يضخ الدم للشراين و الاورده تفضى فى القلب
انت متخيل ان فى كل 0.8 ثانيه (زمن الدقه) بتحصل 9 مراحل جوه قلبك
اللى فى الصوره اللى قدامك مجرد 6 خطوات من 9 !
شفت فى مره فى حياتك ان قلبك قال انا مش هشتغل حبه ..
اصل انا تعبت .. عاوز اريح شويه .. ؟!
اصل ملياش نفس النهارده .. اصلى مكسل حبه !
اذا كان قلبك مش بيكسل ولا بيتعب ولا حتى اجزاء بسيطه من الثانيه ..
ليه انت تكون كده ؟!
افتكر انه الكسل ده قرار انت بتاخده وانه مش طبيعتك الحقيقيه ..
وفى اى وقت تحب تقوم من كسلك حط ايدك على قلبك وخليه هو اللى يشجعك بنشاطه الهائل
معلومات طبيه اكتر هتلاقيها هنا :
