اوقات تفرض علينا الحياه وقوانين المجتمع الموجودين به اننا نكون موجودين فى اوساط احنا مش راضين عن اللى فيها ..
طبعا بتختلف من وسط لوسط وكمان حسب المكان اللى اتربينا فيه وعشنا فيه معظم عمرنا
من شتايم بقى وكلام مش كويس وايحاءات وفساد وكذب واخلاق ضايعه ورشاوى ووسايط ..
فى مواجهه الحياه الحقيقه يقف امثالى ذو الخبرات القليله مصدومين من حقيقه واقع المجتمع
ويبقى السؤال ..
انا هعمل زيهم ولا هفضل زى ما انا .. "نضيف"
ولا هبقى عامل زى طماطمايه نضيفه وسط قفص فاسد فمكتوب عليها تفسد...
فكره الوسط المحيط دى موجوده بردوا فى اجسامنا
تعالوا ناخد فكره يمكن تساعدنا نتعلم ولو مبدأ واحد عن مقاومه الوسط المحيط ..
الخلايا اللى فى جسمنا كل واحده بيحوطها غلاف اسمه "Cell Membrane"
الغلاف ده هو اللى من خلاله بتدخل وتخرج الغذاء من بروتين واملاح وايونات وجلوكوز الخ
فيه بقى اكتر من طريقه لدخول المواد برا وجوه الخليه من خلال الغلاف ده
فيه حاجه اسمها "Passive Transport"يعنى ايه ؟
يعنى الحركه بتكون حسب التركيز من الاعلى الى الاقل
دايما الاعلى تركيز بيفرض نفسه ويتحرك هو فى اتجاه الاقل تركيز
فى حاجه كمان اسمها "Active Transport"
يعنى لازم يكون فيه مضخه و مستقبل ده بياخد الماده من برا يدخلها جوه وده مش بيفرق معاه تركيز الماده ايه جوه الخليه ..
اللى بيشغل المستقبل ده هو هرمونات معينه فى الجسم وبتبقى محتاجه طاقه كتير "ATPs"
خد بالك قوى من احتياج البوابات للطاقه فى عملها
اصل مش سهل تطرد حاجه عكس تركيزها ولا انك تدخل حاجه جوه وهى تركيزها اصلا جوه عالى
دول اشهر طريقتين بتتم من خلالهم تعامل الخلايا مع كل المواد الموجوده فى الدم
ومش بس الخلايا ..
لكن دول اشهر طريقتين بردوا لتعامل اذهاننا مع الافكار المحيطه بنا يوميا ..
لو انا بنى ادم شبعان بربنا ... انا اللى بفرض نفسى على اللى حواليا ..
من كنز قلبى الصالح اخرج الصلاح لغيرى
جوه قلبى فيه "gates" او بوابات .. مش اى حاجه تدخل وتخرج
يا عزبزى
لو عشت حياتك سلبى Passive هتتعامل بطريقه ال "Passive Transport" وهتخلى كل الفساد اللى برا يدخل جوه قلبك انت اللى هتخسر
انت محتاج تتعامل بطريقه البوابات وتبذل مجهود وطاقه وتتعب وتوقف كل فكره عن حدهاعزيزى انت مش مجرد طماطمايه سايب نفسك حسب اللى حواليك تكون
انت معدتش طفل ولا انت قطعه صلصال كل اللى يلمسك تتغير
لا تكن صخرا ميتا لا حياه لك ولا شىء يدخل اليك او يخرج منك
ولا تكن كقطعه صلصال تتشكل فى اى وسط وكل فكر يؤثر فيك
كن رجل واختر بارادتك ما يدخل داخلك وما لا يدخل واستعن بمعونه الله فى ذلك
اما طريقه السلبيه Passive Transport سيبها للحلو اللى جواك انه يطلع برا بيها
متبزلش مجهود علشان تطلع الحلو اللى جواك ..
هو هيطلع لوحده لان اللى برا فى اشتياق للنظافه
زى ما النور بينتشر بتلقائيه فى الظلام فلا يكون هناك ظلام هتكون انت نور للوسط اللى حواليك ..
صلولى انا كمان اعيش فى الوسط اللى انا فيه مقيما بوابات قويه قدام كل فكره او كلمه او منظر مش كويس
معلومات طبيه اكتر هنا :
http://www.ncbi.nlm.nih.gov/books/NBK21525/
